طاح الحطب ولاّ لهالحين ماطـاح
تكفين قولي طاح مـل اعتـذاري
خلاص يكفي هالزعل ودي ارتـاح
تعبت اجي لك واعترف بنكساري
يالادميه مابقـى عـرق ماصـاح
جرح الغياب وذكريات المسـاري
ولو للقا من بين اياديـك مفتـاح
ماكان شفتي هاليباس بخضـاري
لكن لك الله طاري الشـوق ذبـاح
وانا مع عيونك غدابـي مـداري
حتى خطاي اللي من الوجد هو فاح
مامستـه نـارك ولاذاق نــاري
السالفه كانت تخاطـب بـالارواح
لين اشتعل جمر الخطا في قراري
وذريت في عين السهر سر لوباح
حطم معالـم للغـلا وانـت داري
وذكرى ليالي توتها شـال تفـاح
ليلة عيونك من كسلهـا تمـاري
مابيحها لو كان من فوقي سـلاح
اكنها مابي مـن الوقـت ثـاري
قولي خلاص اللي بقى خيط مسباح
اذا انقطع صعبه تلمـي انتثـاري
أنت غير مسجل في منتديات المحالسة الرسمية . للتسجيل الرجاء إضغط هنـا
منتدى الشعر العاام
طاح الحطب
..
منتدى الخواطر و إبداع الأقلام
العرض العادي
